Sensa de ea no so' cossa faria
sugar na pianta intiera no me bastaria
gero nel deserto desso go' na piantagion
ghe demo dentro fisso, ndemo via a baeton.
L'alba, el tramonto, da la note a la matina
un sbam in cuor come vinser na schedina
dopo el bruto tenpo insieme atender
el sol che ritorna a risplender.
Piu' se vardemo piu' se incantemo
l'emossion le lagrime, po' se inboressemo
schersar se efusion, senbremo do gati
no se bianco e nero, se cartoni animati.
Corer, e la tera no se pol fermar
da soi sercavimo insieme trovar
passa i giorni e veder na stagion canbiada
no se come de prima, se diversa la giornada.
E ogni giorno dirse te amo
me lo dise i fioi che li me vede strano
e lora voio viver pluricentenario
e dirgheo senpre ogni giorno
del caendario.
Che el sia anca un sogno,
no me voio piu' svegiar
poder girar insieme a tute
le stee che se pol imaginar
ragiunger la nostra isola
e no poder piu' ritornar
ogni giorno, tanti cuante
se le onde che riva dal mar.
Ndemo in balon cuando femo caigo
se destin del tenpo sgropar ogni intrigo
dividendo la vita senpre piu' vissin
fin cuando in santa pase
se inpissa un lumissin.
Ndemo pararia pena sfiorai
basta vardarse che ndemo fulminai
rispetemo el mondo dove caminemo
sercheve e troveve che ve lo auguremo.