Ave Maria,
che te borlet fö del quadru,
prega per el martul,
e prega per el ladru.
Ave Maria,
inciudada là in söl mür
nella ca' del magütt
e nella ca' del dutùr

Varda, varda,varda,varda giò
Madona del Rusari
sèmm tücc lampeden
del stess lampadari.
Varda,varda,varda,varda giò
Madona del Rusari
sèmm tücc padreterni,
sèmm tücc ciulandari.

Ave Maria
che te mènum in prucesiòn,
strepa fü i pecàa
cunt el cavabüsciòn
Ave Maria
e forsi ghemm pagüra
che vegna giò'n quai angel
cun la facia pussè scüra.

rit.

Ave Maria, vestida de celest
se regordumm de te
dumàa suta i fèst
Ave Maria
cunt el cör pièe de spaad
varda quel che sucéed
giò in mezz ai stràad.

rit.