i nime dyni chatz & schüttle se uus
bis aus us ihre useflügt
wo sie je us myre hand gfrässe het
& schpeter chlopf i no dr teppich uus

& fing i im teppich es haar vo mir
de schtecken i 's eifach y
wüu nüt söu dir bösi erinnerig sy
verrate, was i bi gsi für di
säg nid, dass das nid nötig wär
am aafang isch 's eifach, ersch schpeter wird's schwär
we wieder uuftoucht, was früecher isch gsi
de no lieber so rein & so dumm sy wie wysses papier
i wirde i zuekunft o ne angere sy
aus dä, wo du i mir hesch gseh
die hose, wo du mir glismet hesch
die bring i am rote chrütz verby
i frisse am bode, frisse mit de händ
& glotze i d'glotze & chotze a d'wänd
aus wo di schyssig macht, das loben i mir
i wirde eifach & rein & so dumm sy wie wysses papier
nid emau ds meer chan i wieder gseh
wo dr wind dyni haar vermisst
wo jedi wäue e süüfzer
& jedes sandchorn am schtrand e blick vo dir isch
am liebschte wär i en aschtronout
& flügti uf schtärne, wo gar nüt vertrout
& versout isch dür ne berüehrig vo dir
i wirde nie meh so rein & so dumm sy wie wysses papier